Persónuverndarstefna

1. Tilgangur og lagaskylda:

Persónuverndarstefna félagsins byggir á lögum nr. 90/2018 um persónuvernd og meðferð persónuupplýsinga (hér eftir vísað til sem ,,persónuverndarlaga“ eða pvl.) og reglugerð Evrópuþingsins og ráðsins nr. 2016/679. (hér eftir vísað til sem ,,reglugerðarinnar“ eða pvrg.)

2. Hvað eru persónuupplýsingar?

Í skilningi persónuverndarstefnu þessarar eru persónuupplýsingar hvers kyns upplýsingar um persónugreindan eða persónugreinanlegan einstakling, þ.e. upplýsingar sem rekja má beint eða óbeint til ákveðins einstaklings. Gögn sem eru ópersónugreinanleg teljast ekki persónuupplýsingar.

3. Persónuupplýsingar sem Dýravaktin vinnur:

Við varðveitum ýmsar persónuupplýsingar sem við söfnum um þá sem við erum í samskiptum við. Mismunandi upplýsingum kann að vera safnað um þig, eftir því hvort þú ert sjálf/ur í samskiptum við félagið eða hvort þú komir fram fyrir hönd lögaðila í samskiptum við félagið.

Þegar við erum í samskiptum við einstaklinga söfnum við eftirfarandi upplýsingum um þá:

• samskiptaupplýsingar, svo sem nafn, heimilisfang, símanúmer og netfang;
• kennitala;
• upplýsingar úr samskiptum.

Þegar við erum í samskiptum við lögaðila söfnum við upplýsingum um forsvarsmenn slíkra aðila, aðallega:

• samskiptaupplýsingar, svo sem nafn, símanúmer, netfang og samskiptasaga;
• reikningsupplýsingar, m.a. eftir atvikum upplýsingar um vsk. númer og séróskir varðandi reikningagerð.

Framangreindu til viðbótar kunnum við einnig að safna og vinna aðrar upplýsingar sem einstaklingar eða forsvarsmenn/tengiliðir lögaðila láta okkur sjálfir í té sem og upplýsingar sem eru okkar nauðsynlegar vegna starfsemi okkar, þ.m.t. meginstarfsemi okkar, sem er dýravernd. Við höfum lögmæta hagsmuni af því að tryggja að þeir sem til okkar leita fái góða þjónustu og upplýsingar varðandi dýravelferð en framangreindar upplýsingar eru eingöngu unnar með því markmiði. Upplýsingarnar kunna einnig að vera unnar á grundvelli lagaskyldu og óháð þeirri þjónustu sem félagið hefur tekið að sér að veita aðilum, t.d. hvað varðar reglur um peningaþvætti eða bókhaldslög.

Persónuupplýsinga er alla jafna safnað beint frá aðila eða tengilið hans.

Framangreindar upplýsingar eru varðveittar í allt að fjögur ár frá lokum samskipta. Upplýsingar sem falla undir bókhaldslög eru geymdar í sjö ár frá lokum viðkomandi reikningsárs. Upplýsingar sem varða eiginlega grunnstarfsemi félagsins kunna að vera varðveittar lengur enda kann vinnsla þeirra að reynast nauðsynleg til þess að stofna, hafa uppi eða verja réttarkröfur. Varðveislutími í slíkum tilvikum miðast þá við fyrningarfrest krafna sem mest getur orðið fjórtán ár.

4. Vinnsla vegna annarra sem samband hafa og heimsækja vefsíður okkar

Við vinnum almennt með samskiptaupplýsingar og samskiptasögu þeirra sem heimsækja vefsíðu okkar. Heimsóknir á vefsíðu eru skráðar með notkun nauðsynlegra vefkaka og byggir sú vinnsla á lögmætum hagsmunum okkar. Við söfnum einnig ópersónugreinanlegum tölfræðiupplýsingum um notkun á vefsíðunni.

5. Markpóstur

Við sendum reglulega út markpóst til þess að kynna þjónustu okkar og afla nýrra stuðningsaðila. Vinnsla tölvupóstfanga í slíkum tilgangi byggir á lögmætum hagsmunum félagsins af markaðssetningu.

Ef aðilar vilja ekki fá slíkan póst, þá geta þeir afskráð sig með því að smella á hlekk í tölvupóstinum.

6. Miðlun til þriðju aðila

Persónuupplýsingum þínum kann að vera miðlað til þriðja aðila á grundvelli viðeigandi laga eða reglna, t.d. til stjórnvalda, dómstóla eða lögreglu. Persónuupplýsingar þínar kunna jafnframt að vera afhentar þriðja aðila sem veita okkur upplýsingatækniþjónstu eða þjónustu sem tengist vinnslu og telst hluti af rekstri félagsins. Við miðlum ekki persónuupplýsingum utan EES nema slíkt sé heimilt skv. persónuverndarlögum á grundvelli staðlaðra samningsskilmála, samþykkis þíns eða auglýsingar Persónuverndar um ríki sem veita persónupplýsingum fullnægjandi vernd.

7. Öryggi persónuupplýsinga

Viðeigandi tæknilegar og skipulegar ráðstafanir eru viðhafðar til að tryggja öryggi persónuupplýsinga þinna.

8. Breytingar og leiðréttingar á persónuupplýsingum

Þær persónuupplýsingar sem við vinnum með þurfa að vera bæði réttar og viðeigandi. Ef upplýsingar um þig eru rangar, áttu rétt á því að fá þær leiðréttar. Ef upplýsingar eru ófullkonnar áttu rétt á því að láta fullgera þær með því að leggja fram frekari upplýsingar.

9. Réttindi þín

Þú getur óskað staðfestingar á því hvort við vinnum með persónuupplýsingar um þig eður ei. Ef svo er getur þú óskað eftir aðgangi að upplýsingunum og hvernig vinnslunni er háttað. Þú kannt einnig að eiga rétt á afriti af upplýsingunum. Þú kannt að eiga rétt á því að við sendum upplýsingar sem þú hefur sjálf/ur látið okkur hafa eða stafa frá þér, beint til þriðja aðila. Þá kanntu að eiga rétt á því að persónuupplýsingum um þig verði eytt án tafar, t.d. þegar varðveisla þeirra er ekki lengur nauðsynleg miðað við tilgang vinnslunnar eða afturköllunar samþykkis þíns fyrir vinnslunni eða ef heimild til grundvallar vinnslunni er ekki lengur til staðar. Sé vinnsla byggð á samþykki getur þú hvenær sem er afturkallað samþykkið.

Framangreind réttindi eru ekki algild. Lög kunna að skylda félagið til að hafna ósk um eyðingu eða aðgang að gögnum. Félagið getur einnig hafnað beiðni þinni ef réttindi annarra vega þyngra t.d. vegna friðhelgi einkalífs.

10. Kvörtun til Persónuverndar

Þú hefur rétt á að kvarta til Persónuverndar.

11. Samskiptaupplýsingar

Persónuverndarfulltrúi Dýravaktarinnar er Friðjón B. Gunnarsson, lögfræðingur hjá FBG ráðgjöf ehf.. Netfang hans er personuvernd@fbg.is og símanúmerið er 779-0900.

12. Breytingar

Stefna þessi kann að breytast reglulega. Breytingar taka gildi um leið og stefnan hefur verið birt á vefsíðum okkar.

Þessi persónuverndarstefna var fyrst birt 18. febrúar 2025.